[URGENLY!!! Mohon Tanggapannya] Hosting Baru, kita mulai dari nol!!!

Dari pembicaraan para moderator (baca: momod) forum ini, rata-rata kami menyetujui dan sudah berencana untuk membeli hosting baru tapi resikonya kita akan memulai forum ini dari nol lagi, artinya kita harus daftar lagi sebagai member baru.
*Alasan saya mengapa kita harus membeli domain dan hosting baru?, karna sekarang kita masih pake yang gratisan, sampai saat ini sih masih oke-oke aja dan tidak ada masalah. tapi bagaimana kalo sampe mereka minta ini-itu di kemudian hari, saat forum kita sudah ramai? Apa torang rela forum ini mo ditutup paksa?
*Why kita harus menjadi member baru di forum baru nnt? Kenapa tidak ambil aja database sekarang sebagai backup?
Sekali lagi krn gratisan, mereka memang menyediakan fasilitas backup (file databasenya dlm bentuk SQL). Tapi tidak dapat di eksport keluar, artinya file itu hanya bdp digunakan secara intern saja.

*Pertanyaan saya apakah teman-teman siap menjadi member baru demi kelangsungan hidup torang p forum?
Kalo memang siap, mungkin dalam minggu ini torang pe forum baru smo running dengan tampilan baru dan sudah milik sendiri.

Saya mohon tanggapan dari teman-teman diforum !!!

Kita yg pertama kase pendapat aaaah...

Menurut kita k'alil p argumen so bagus..jd kita setuju..nda apa2 torang mulai dari NOL..karena klo nyanda ada NOL nda bakalan ada SATU, DUA, TIGA, dst..

Jadi, kita tunggu torang p skolah tercinta p tampa bakumpul terbaru mo launching..(Nda sabar nih..)

HIDUP MOMOD....

owh....
bagitu dank k'..
baru mangarti....
y sudah klo mmg dorang nimbole kase export DB..
mo bgmn tre,,,,
jd, somo mulai kpn dank ini?

baru dua orng setuju, sebenarnya kalo mo iko kata hati mending nda usah jo kang pindah...tapi torang tunggu tanggapan tamang-tamang laeng jo.
Kalo kita sih sayang kalo mo pindah....
Mungkin lebe bae torang bli nama jo kong redirect kang...

alil wrote:

baru dua orng setuju, sebenarnya kalo mo iko kata hati mending nda usah jo kang pindah...tapi torang tunggu tanggapan tamang-tamang laeng jo.
Kalo kita sih sayang kalo mo pindah....
Mungkin lebe bae torang bli nama jo kong redirect kang...

Bisa juga.... tp apa kata dunia secara so beli hosting tp masih da tapake le tu gratisan.. tp bagimana menurut tamang2 laeng katu en.. oiii urgent nih kase akang tanggapan do e..

fauzul wrote:

alil wrote:

baru dua orng setuju, sebenarnya kalo mo iko kata hati mending nda usah jo kang pindah...tapi torang tunggu tanggapan tamang-tamang laeng jo.
Kalo kita sih sayang kalo mo pindah....
Mungkin lebe bae torang bli nama jo kong redirect kang...

Bisa juga.... tp apa kata dunia secara so beli hosting tp masih da tapake le tu gratisan.. tp bagimana menurut tamang2 laeng katu en.. oiii urgent nih kase akang tanggapan do e..

Fauzul, maksud saya torang nda perlu bli hosting, cuman bli domain jo kong redirect ke forum kita.
Io kase akang tanggapan disini tamang-tamang, nda perlu ragu-ragu kalo nda setuju bilang jo nda setuju, supaya torang boleh ambil keputusan mo bli hosting ato nda. Ok tamang-tamang.

ooo bagitu dank katu... ok dang ator jo.. kita sbgai rakyat yg baik iko jo tu pemimpin p mau yg penting demi kelangsungan hidup kita bersama..

ooouu,, begitu... ya sayang kang...???
mar demi kemajuan bersama qt sih npp mo mulai dari nol ulang,, hhehehhe

kalo depe data post dang? apakah ilang juga?
kalo mulai dari baru (depe Status) bagus.. cuma musti pikirin yang maslah posting
sayang posting lama ilang

joe_rampi wrote:

kalo depe data post dang? apakah ilang juga?
kalo mulai dari baru (depe Status) bagus.. cuma musti pikirin yang maslah posting
sayang posting lama ilang

ada betulnya jg sih..sayang sekali..duakali..dst...

joe_rampi wrote:

kalo depe data post dang? apakah ilang juga?
kalo mulai dari baru (depe Status) bagus.. cuma musti pikirin yang maslah posting
sayang posting lama ilang

hmm... iyo sayang depe data post ilang...
yah kita terserah pa admin jo bagemana bae..
mo mulai dari nol bole... mo redirect le bole

klo qt sih setuju2 aja klo musti mulai dr pertama...
memang sih, sayang klo ini tmn2 pe posting pebanyak ini ilang.
tapi kan yang penting ada tampa for mo bakumpul akg para alumni2 smantu yang lebe aman for jangka panjang...
sama dgn alil blg, ini gratisan trg nintau nanti mo pake sampe kpn?
jadi lebe bae dr skarang jo, jgn nti smo lbe terlambat...
bagimana tmn2...

yah.... kalo postingan lama ilang... sayang kasiang... mar kita seeh stuju2 saja kalo memang SMANTU pe forum somo pake domain dengan hsoting sandiri... asal Lil kase pa perusahaan Hosting yang bagus, pengalaman kita... so 2x ta teru di tampa hosting besae... sasadiki down...

alil wrote:

baru dua orng setuju, sebenarnya kalo mo iko kata hati mending nda usah jo kang pindah...tapi torang tunggu tanggapan tamang-tamang laeng jo.
Kalo kita sih sayang kalo mo pindah....
Mungkin lebe bae torang bli nama jo kong redirect kang...

bro karna kita awam di bagian redirect ini so mohon penjelasan sadiki kwa.,.,apa ini sama deng redirect yg torang pake co.nr bagitu.....n untung ruginya bagaimana kalo yg redirect........

dolfy palit wrote:

alil wrote:

baru dua orng setuju, sebenarnya kalo mo iko kata hati mending nda usah jo kang pindah...tapi torang tunggu tanggapan tamang-tamang laeng jo.
Kalo kita sih sayang kalo mo pindah....
Mungkin lebe bae torang bli nama jo kong redirect kang...

bro karna kita awam di bagian redirect ini so mohon penjelasan sadiki kwa.,.,apa ini sama deng redirect yg torang pake co.nr bagitu.....n untung ruginya bagaimana kalo yg redirect........

Mo coba jwb ah yg setau kita nih. Fasilitas Redirect itu sm dg org manado bilang lempar tanggung jawab dang..hehehe so talalu tinggi tu bahasa.. jd misalnya torang klik di addres www.smantu-manado.co.nr, maka otomatis akan di redirect/di lempar ke address (misalnya) www.smantu-manado.ac.id tentu saja sudah di set sebelumnya oleh admin ke alamat tersebut melalui fasilitas redirect yg disediakan oleh hostingannya n tentu saja (lagi) biar org mo maso di address lama maupun yg baru tetap mo maso pa dp website yg benar2 menjadi alamat web yg di tentukan.. mudah2an nda salah le ni penjelasan...

oh iyo....mangarti sadiki tq bro....kayanya bole no kalo bagitu.....biar tu OT nda hilang sayang....mar apa dampak terburuk kira2 dari  redirect ini.......yaa

Kalu menurut qt lebe bae bli hosting daripada cuma redirect (domain). Memang sih sayang kalu harus mulai dari nol lagi, tapi daripada torang pe nasib "nda jelas" sama deng skarang ?????

so hal terburuk yg akan terjadi apa dong kalo redirect?

Ikut yang bagus aja...........

klu memang harus mulai dari nol juga nda apa2......
dari pada nanti (so lama) trus mulai lagi dari nol.........

dolfy palit wrote:

so hal terburuk yg akan terjadi apa dong kalo redirect?

Kalo cuma redirect berarti cuma bli domain mar masih pake hosting yang lama (gratisan). Memang sih saat ini masih blum ada masalah tapi untuk kedepannya nda ada jaminan itu hosting mo ada trus... Kalu kedepannya itu hosting gatisan so nda ada berarti "tamat" le torang pe forum


*Mungkin bagitu stou depe hal terburuk ( kalo salah mohon maaf) he he he he..............

hmmm.. pilihan yg sulit..
tapi tetap hrs dipilih..hehehe..

kalo atik setuju utk hosting baru
alasannya utk jangka waktu yg panjang dan jelas semua - muanya..
utk masalah sayang postingan yg udah ada ilang ato musnah...
memang itu sdh resiko..
mumpung dari sekarang, oi to?...kalo lebe lama le malah akan lebih banyak postingan yg akan musnah..hehehe
kira2 bgt...
thx

Wah so lebe rame disini kang....
Masih adalagi yang mokase tambahan?

Para momod dan admin masih menampung aspirasi dari teman-teman....

hitung2 for org2 baru k'.....
nda talalu barasa bgmn mo maso...
torang samua sama2 mulai dari pertama...
iyo to...???

so..ic..ic...untuk masa depan bole juga kalo begitu ganti yg baru...dari pada redirectpun masih ada kemungkinan seperti di atas....no problem bagi saya kalo mau buat yg baru yg penting save n kaga ganti2 lagi....lanjut.....

woteva.......
yg penting trg jang baku pisah.......
aku akan merindukan kalian........
xixixixixixixxixixixxi

btw, kalo mo beli membeli, sapa yg traktir?
atw bss jo?